პოლონეთის პრემიერმინისტრი, მატეუშ მორავეცკი აცხადებს, რომ, ევგენი პრიგოჟინის დაღუპვის შემდეგ, “ვაგნერზე” კონტროლი პირდაპირ კრემლზე გადავა და ეს მას პოტენციურად უფრო საშიშს გახდის.
ამის შესახებ პორტალი Onet იტყობინება.
”მე კომენტარს არ გავაკეთებ იმაზე, არის თუ არა მისი დაღუპვა შემთხვევითობა. ვფიქრობ, პოლონელებს შეუძლიათ ამაზე პასუხის გაცემა. “ვაგნერის ჯგუფის” ზედამხედველობა პირდაპირ პრეზიდენტ პუტინზე გადავა. მოდით, ახლა ყველამ თავად უპასუხოს, გახდება თუ არა ბელარუსში განლაგებული “ვაგნერის ჯგუფი” უფრო დიდი თუ ნაკლები საფრთხე”, – თქვა მან.
მორავეცკიმ ასევე თქვა, რომ პუტინის მეთვალყურეობის ქვეშ, “ვაგნერის ჯგუფი” უფრო მეტად იქნება გამოყენებული პროვოკაციებისთვის, შანტაჟისთვის, თავდასხმებისა და „ყველა სახის ნაბიჯისთვის, რომლებიც მიმართულია უსაფრთხოების პოლიტიკის შერყევისკენ“.