შარშან, სარეკორდო ექსპორტის მაჩვენებელი დაფიქსირდა. ქართული ღვინის ექსპორტი, წინა წლებთან შედარებით 25%-ით გაიზარდა და ეს ზრდის ტემპი წელსაც შენარჩუნებულია, – ამის შესახებ ღვინის ეროვნული სააგენტოს თავმჯდომარემ, ლევან მეხუზლა, „ქრონიკას“ განუცხადა.
„ის ყურძენი, რაც არ ჩაბარდება კერძო სექტორში, მზად ვართ ჩავიბაროთ. შესაბამისად, ყურძენი მთლიანად იქნება დაბინავებული“, – აღნიშნა ლევან მეხუზლამ.
„ნაციონალური მოძრაობის“ თავმჯდომარემ ლევან ხაბეიშვილმა ფერმერებთან სტუმრობა მას შემდეგ გადაწყვიტა, რაც პრემიერ-მინისტრის ინიციატივით, რთველთან დაკავშირებით მთავრობის სხდომა გაიმართა და გადაწყდა, რომ სახელმწიფო გლეხებს მასშტაბურ დახმარებას გაუწევს. კერძოდ, სახელმწიფო სრულად ჩაიბარებს იმ ყურძენს, რომელზეც კერძო სექტორის მხრიდან მოთხოვნა არ იქნება. დაზიანებულ ყურძენში მევენახეს სახელმწიფო 90 თეთრს გადაუხდის.