YouTube-ში სიმღერის მელოდიის წამღერებით ძიების ფუნქციის ტესტირება მიმდინარეობს. ინფორმაცია ამის შესახებ Google-ის ბლოგში გამოქვეყნდა.
ფუნქცია Hum to Search („წაიმღერე, რომ იპოვო“) მომხმარებელს საშუალებს აძლევს იპოვოს სიმღერა, თუ მას წაიმღერებენ ან სხვა მოწყობილობაზე ჩართავენ.
სერვისს კომპოზიციის ამოსაცნობად მხოლოდ 3 წამი დასჭირდება. ამის შემდეგ YouTube-ი მომხმარებელს შესთავაზებს ვიდეორგოლებს, რომლებშიც ეს ტრეკია გამოქვეყნებული.
ახალი ფუნქციის გამოყენება უკვე შეუძლიათ YouTube-ის აპლიკაციის Android-ვერსიის გარკვეულ მომხმარებლებს.
ფუნქცია Hum to Search უკვე მოქმედებს Google Assistant-ში, თუმცა 3 წლის წინ ამუშავებულ სერვისს წამღერებული კომპოზიციის ამოსაცნობად 10-15 წამი სჭირდება.
კომენტარები