ევროკომისიის აღმასრულებელი ვიცე-პრეზიდენტი რუსეთს მოუწოდებს მარცვლეულის ექსპორტის შეთანხმებას დაუბრუნდეს. ამის შესახებ Reuters-ი წერს.
გამოცემის ინფორმაციით, ვალდის დომბროვსკისიმა განაცხადა, რომ რუსეთის მიერ მარცვლეულის შავის ზღვის გავლით ტრანსპორტირების დაბლოკვა პრობლემებს არა მარტო კიევს, არამედ ბევრ ქვეყანას უქმნის.
„მხარს ვუჭერთ გაეროსა და თურქეთის ყველა ძალისხმევას შავი ზღვის მარცვლეულის შეთანხმებასთან დაკავშირებით“, – აღნიშნა დომბროვსკისმა და დასძინა, რომ ევროკავშირი უკრაინას მარცვლეულისა და სხვა პროდუქციის ექსპორტისთვის ალტერნატიულ მარშრუტებს სთავაზობს.
დომბროვსკისმა აღნიშნა, რომ რუსეთი მარცვლეულს იყენებს, როგორც იარაღს.
რუსეთმა მარცვლეულის შეთანხმება ივლისში დატოვა, მიზეზად კი მისი პირობების შეუსრულებლობა დაასახელა. ამასთან, რუსულმა ძალებმა უკრაინული პორტებისა და მარცვლეულის ინფრასტრუქტურაზე დაიწყეს იერიშების მიტანა.