სტიქიის ზონაში სამძებრო სამუშაოები კვლავ აქტიურ რეჟიმში გრძელდება. ლოკაციებია როგორც უშუალო სტიქიის ზონაში, ასევე ჭანჭახისა და რიონის კალაპოტებში, – ამის შესახებ ონის მერმა, სერგი ხიდეშელმა ჟურნალისტებს განუცხადა.
„ამ დროისთვის არსებული მონაცემებით, 31 მოქალაქეა ნაპოვნი, მათგან 29 იდენტიფიცირებულია. საძიებო სამუშაოები გაგრძელდება იქამდე, სანამ მცირედი შანსიც კი იქნება. რაც შეეხება საძიებო სამუშაოების შეწყვეტას, ლოკაციების გაფართოებას და ა.შ. ამაზე სამაშველო სამსახური მიიღებს გადაწყვეტილებას. ჩვენი ინფორმაციით, ორი მცირეწლოვნის ძიება მიმდინარეობს“, – აღნიშნა სერგი ხიდეშელმა.
რაჭაში, შოვში მჟავე წყლებთან მეწყერი 3 აგვისტოს ჩამოწვა. სტიქიის შედეგად გარდაცვლილი 31 მოქალაქის ცხედარია ნაპოვნი, მათგან 29 იდენტიფიცირებულია.
კომენტარები