პოლონეთის შინაგან საქმეთა მინისტრმა, მარიუშ კამინსკიმ განაცხადა, რომ კრიტიკული ინციდენტის შემთხვევაში, პოლონეთი, ლიეტუვა და ლატვია ბელარუსთან საზღვარს ჩაკეტავენ. ინფორმაციას ამის შესახებ სააგენტო Reuters-ი ავრცელებს.
“მოვითხოვთ ბელარუსის ხელისუფლებისგან, რომ “ვაგნერის” ჯგუფმა დაუყოვნებლივ დატოვოს ბელარუსის ტერიტორია და არალეგალურმა მიგრანტებმა დაუყოვნებლივ დატოვონ სასაზღვრო ტერიტორია და დაბრუნდნენ თავიანთ ქვეყნებში“, – განაცხადა მარიუშ კამინსკიმ.
“თუ იქნება კრიტიკული ინციდენტი, მიუხედავად იმისა, იქნება ეს პოლონეთის თუ ლიეტუვის საზღვარზე, ჩვენ დაუყოვნებლივ ვუპასუხებთ. ყველა სასაზღვრო გადასასვლელი, რომელიც აქამდე გაიხსნა, დაიხურება“, – დასძინა მან.
კომენტარები