ომის ფარგლებში 70 ათასამდე უკრაინელი ჯარისკაცი დაიღუპა, 120 ათასი კი დაშავდა. ამის შესახებ BBC წერს.
სტატიაში აღნიშნულია, რომ მაჩვენებლის მატება შესაძლოა კონტრიერიშმა გამოიწვია, რადგან უკრაინელი ქვეითი ჯარისკაცებისთვის, განსაკუთრებით კი ახალწვეულებისთვის ოპერაციის საწყისი ეტაპი მძიმე იყო. სტატიაში ნათქვამია, რომ ამ პერიოდში კონტრიერიშის ფარგლებში ყოველდღიურად, ათობით უკრაინელი ახალწვეული იღუპებოდა.
ამასთან, ომის კვლევის ამერიკული ინსტიტუტი წერს, რომ რუსეთმა ელიტური სამხედრო დანაყოფები ზაპოროჟიეს ოლქში სოფელ რაბოტინოსკენ გადაიყვანა. ამ მიმართულებით უკრაინელები წინ მიიწევენ.
ვრცელდება ინფორმაცია, რომ მათ რუსული თავდაცვის პირველი ხაზი გაარღვიეს. ანალიტიკოსების განცხადებით, შეტევების მოსაგერიებლად, რუსეთმა სადესანტო შეტევითი დივიზიების მობილიზაცია მოახდინა.