აშშ-ს ვაჭრობის მდივანი ჯინა რაიმონდო პეკინში ოფიციალური ვიზიტით ჩავიდა და ჩინეთის ოფიციალურ პირებს შეხვდა. ამის შესახებ Aljazeera წერს.
გამოცემის ინფორმაციით, სამდღიანი ვიზიტის ფარგლებში მდივანი თავის ჩინელ კოლეგას შეხვდა და აშშ-სა და ჩინეთს შორის სტაბილური ურთიერთობების მნიშვნელობას გაუსვა ხაზი.
„ჩვენ ვიზიარებთ $700 მილიარდი დოლარის ვაჭრობას და გეთანხმებით, რომ ღრმად მნიშვნელოვანია, რომ ჩვენ გვქონდეს სტაბილური ეკონომიკური ურთიერთობა. ეს რთული, გამომწვევი ურთიერთობაა. ჩვენ, რა თქმა უნდა, ვერ შევთანხმდებით გარკვეულ საკითხებზე, მაგრამ მჯერა, რომ შეგვიძლია პროგრესის მიღწევა, თუ ვიქნებით პირდაპირები, ღია და პრაქტიკულები“, – თქვა რაიმონდომ.
გასულ წელს, აშშ-ის პრეზიდენტი ჯო ბაიდენი და ჩინეთის პრეზიდენტი სი ძინპინი დიდი ოცეულის სამიტზე საკუთარი ქვეყნების ურთიერთობების გაღრმავებაზე შეთანხმდნენ.