მთელი ქალაქის მასშტაბით მთელი ღამის განმავლობაში გვექნება სრული მობილიზება, რათა დილისთვის უკვე გზებზე გადაადგილება უსაფრთხო იყოს, – ამის შესახებ თბილისის მერის მოადგილემ, ირაკლი ბენდელიანმა განაცხადა.
„ნალექის შედეგად ქალაქის რამდენიმე უბანში ქვიშა-ხრეში არის გზაზე ჩამოტანილი. „თბილსერვის ჯგუფი“ მთელი ღამის განმავლობაში იმუშავებს ამის დასუფთავებაზე. გვქონდა ხეების წაქცევის შემთხვევები – „ეკოსერვისი“ ჩართულია პროცესში და ოპერატიულად ახდენს რეაგირებას. უსაფრთხოების საკითხებიდან გამომდინარე, შსს-სთან ერთად მოხდა წყნეთი-ბეთანიის დამაკავშირებელი გზის დროებით შეზღუდვა პრევენციულად. თამარაშვილზე გვაქვს ერთი ლოკაცია, სადაც ქვათა ცვენის ფაქტი დაფიქსირდა. კონტრაქტორს უკვე გადმოჰყავს შესაბამისი ტექნიკა და მთელი ღამის განმავლობაში იმუშავებენ ამ ლოკაციაზე. მთელი ქალაქის მასშტაბით მთელი ღამის განმავლობაში გვექნება სრული მობილიზება, რათა დილისთვის უკვე გზებზე გადაადგილება უსაფრთხო იყოს“, – აცხადებს თბილისის მერის მოადგილე.