დიდი ბრიტანეთის პარლამენტმა პირველად უწოდა ტაივანს დამოუკიდებელი ქვეყანა. ამის შესახებ გამოცემა Politico პარლამენტის მოხსენებაზე დაყრდნობით იტყობინება.
ახალმა ფორმულირებამ, რომელიც თემთა პალატის საგარეო საკითხთა კომიტეტის მიერ გავრცელებულ დოკუმენტშია გამოყენებული, შესაძლოა პეკინის მხრიდან მწვავე რეაქცია გამოიწვიოს.
„ტაივანი უკვე წარმოადგენს დამოუკიდებელ ქვეყანას სახელად ჩინეთის რესპუბლიკა. ტაივანს აქვს ყველა საჭირო თვისება სახელმწიფოებრიობისთვის, მათ შორის მუდმივი მოსახლეობა, გარკვეული ტერიტორია, მთავრობა და სხვა ქვეყნებთან ურთიერთობების დამყარების უნარები – მას აკლია მხოლოდ დიდი საერთაშორისო აღიარება“, – აღნიშნულია თემთა პალატის საგარეო საკითხთა კომიტეტის მოხსენებაში.
„ლონდონი აღიარებს ჩინეთის პოზიციას, მაგრამ ის ჩვენთვის მიუღებელია“, – აცხადებს კომიტეტის თავმჯდომარე ალისია კერნსი.