“ქართული ოცნების” ერთ-ერთი ლიდერის, მამუკა მდინარაძის განცხადებით, ქართული ოპოზიცია, მათი ტელევიზიები და საქართველოს პრეზიდენტი ყველაფერს აკეთებენ იმისთვის, რომ საქართველომ კანდიდატის სტატუსი არ მიიღოს.
მისივე თქმით, შესაძლოა, სწორედ ეს იყოს მიზეზი, რომ მთავრობა პრეზიდენტის ევროპაში გამგზავრებას არ ეთანხმება.
„რადგან რაღაც იმედი გაჩნდა, რომ შეიძლება, გლობალური ომის პარტიის, მისი ქართველი აგენტურის ზრახვები სისრულეში არ მოვიდეს და ქვეყანამ მიიღოს კანდიდატის სტატუსი, ამ ფონზე ერთადერთი მიზანი შესაძლოა, ისიც კი იყოს, რომ მან მიიწეროს ეს პოზიტიური გადაწყვეტილება, თუმცა საზოგადოება ხომ ხედავს ვინ რას აკეთებს. ქართული ოპოზიცია, მათი ტელევიზიები და, სამწუხაროდ, საქართველოს პრეზიდენტი ყველაფერს აკეთებენ იმისთვის, რომ საქართველომ არ მიიღოს კანდიდატის სტატუსი, რათა ეს საქართველოს ხელისუფლების საწინააღმდეგოდ გამოიყენონ. ჩვენ ყველაფერს ვაკეთებთ, რომ მივიღოთ კანდიდატის სტატუსი. შესაბამისად, ამ განზრახვის გაშიფვრა მარტივად როდესაც შეიძლება, მთავრობის არდათანხმებაც ლოგიკურია“, – აღნიშნა მამუკა მდინარაძემ.