უნგრეთის პრემიერ-მინისტრმა, ვიქტორ ორბანმა ამერიკელ ტელეწამყვან ტაკერ კარლსონთან ინტერვიუში განაცხადა, რომ უკრაინის ნატოში გაწევრიანება ამ მომენტში რეალური წინადადება არ არის.
„ჩვენ ხელიდან გავუშვით უკრაინის ნატოში მიღების ისტორიული შესაძლებლობა [2008 წლის ბუქარესტის სამიტზე]. რუსეთი სულ უფრო და უფრო ძლიერდება. უკრაინის ნატოში გაწევრიანება ამ მომენტისთვის რეალური წინადადება არ არის, ასე რომ დაივიწყეთ“, – განაცხადა ორბანმა.
„შესაძლებლობის ეს ფანჯარა უკვე აღარ არის. ჩვენ არ შეგვიძლია ამის გაკეთება. ჩვენ არ შეგვიძლია დავუშვათ ასეთი გრძელი საზღვარი რუსეთსა და უკრაინას შორის, რომელიც ნატოს ნაწილია. ეს ნიშნავს დაუყოვნებლივ ომს, საფრთხეს ყველა ჩვენგანისთვის. შეერთებული შტატებისთვისაც კი. ზუსტად საპირისპირო უნდა ვთქვათ. ჩვენ უნდა შევთანხმდეთ რუსებთან უსაფრთხოების ახალ არქიტექტურაზე უკრაინის უსაფრთხოებისა და სუვერენიტეტის უზრუნველსაყოფად, მაგრამ არა ნატოში გაწევრიანება“, – განაცხადა უნგრეთის პრემიერ-მინისტრმა.