უკრაინის თავდაცვის მინისტრს, ალექსეი რეზნიკოვს უახლოეს მომავალში თანამდებობიდან გაათავისუფლებენ, – ამის შესახებ ინფორმაციას უკრაინული გამოცემა „უკრაინსკაია პრავდა“ მინისტრთა კაბინეტში და უმაღლეს რადაში საკუთარ წყაროებზე დაყრდნობით ავრცელებს. ამასთან, ამის შესახებ სახალხო დეპუტატი იაროსლავ ჟელეზნიაკი ტელეგრამ-არხში წერს.
როგორც გამოცემა აღნიშნავს, თავდაცვის მინისტრად შესაძლოა, სახელმწიფო ქონების ფონდის ხელმძღვანელი რუსტემ უმეროვი დაინიშნოს. მედიასაშუალების ცნობით, პარლამენტი თავდაცვის მინისტრის თანამდებობიდან გათავისუფლების საკითხს სავარაუდოდ მომავალ კვირას განიხილავს. „უკრაინსკაია პრავდას“ წყაროების ცნობით, რეზნიკოვის კანდიდატურა განიხილება დიდ ბრიტანეთში უკრაინის ელჩის პოსტზე.
10 აგვისტოს „უკრაინსკაია პრავდა“ წერდა, რომ პრეზიდენტი ვოლოდიმირ ზელენსკი თავდაცვის მინისტრის პოსტზე რეზნიკოვის შემცვლელს ეძებს და სულ მცირე ორ კანდიდატურას განიხილავს.
28 აგვისტოს პრესკონფერენციაზე რეზნიკოვმა განაცხადა, რომ განიხილავდა პრეზიდენტთან სხვა თანამდებობაზე გადასვლის შესაძლებლობას, თუმცა გადაწყვეტილება თავად ვოლოდიმირ ზელენსკიმ უნდა მიიღოს.