ევროინტეგრაციის კომიტეტის თავმჯდომარე ბრიუსელშია. მაკა ბოჭორიშვილი შეხვედრებს ევროპასთან ინტეგრაციის კომიტეტის თავმჯდომარის პირველ მოადგილე ლევან ქარუმიძესთან ერთად მართავს.
ქართული მხარე კოლეგებს გატარებულ რეფორმებს აცნობს, მთავარი თემა კანდიდატი ქვეყნის სტატუსია.
„ჩვენთვის მნიშვნელოვანია, რომ ევროკომისიასთან განსაკუთრებულად აქტიურად ვიმუშაოთ, მივაწოდოთ ის ინფორმაცია, რაც საქართველომ ამ დრომდე 12 რეკომენდაციის შესრულების კუთხით გააკეთა და რაც მნიშვნელოვანი პროგრესია. საკანონმდებლო კუთხით, პარლამენტის მხრიდან შეგვიძლია ვთქვათ, რომ 12 რეკომენდაციაზე მუშაობა პრაქტიკულად დასრულებულია. პროცესი რა თქმა უნდა საკმაოდ ფართოა, ასევე ფართოა რეკომენდაციებიც. მნიშვნელოვანია ვიცოდეთ უკვე გადადგმული ნაბიჯების შეფასება ევროკავშირის მხრიდან“, – აღნიშნა საქართველოს პარლამენტის ევროინტეგრაციის კომიტეტის თავმჯდომარემ, მაკა ბოჭორიშვილმა.