“გამოაშკარავდება რეალურად, ვინ უჭერს მხარს, რომ საქართველო არ იმსახურებს კანდიდატის სტატუსს”

მმართველი გუნდის წევრი მიხეილ სარჯველაძე პრეზიდენტის იმპიჩმენტის საკითხს გამოეხმაურა.

“ამ პროცედურის დადებითი მხარე არის, რომ კიდევ ერთხელ გამოაშკარავდება, რეალურად ვინ უჭერს მხარს იმ რიტორიკის ლობირებას, რომ საქართველო არ იმსახურებს კანდიდატის სტატუსს. დღეს ხელისუფლება მკაფიოდ და ცალსახად აცხადებს, რომ საქართველო შარშანაც, წელსაც ერთმნიშვნელოვნად იმსახურებს კანდიდატის სტატუსს. ყველა, ვინც ოპოზიციიდან იძახის საპირისპიროს, შეუძლია ახლა დადგეს და შეეწინააღმდეგოს იმპიჩმენტის პროცედურას. ამას გამოააშკარავებს რეალურად ეს პროცედურა და ვფიქრობ, ამ თვალსაზრისით, ძალიან სწორი ნაბიჯი იყო, იმიტომ რომ საზოგადოება ძალიან კარგად დაინახავს, ვისთვის ევროინტეგრაცია ლოზუნგია მხოლოდ და ვისთვის ნაკეთები საქმე და წინ წაყვანილი ქვეყანა”, – განაცხადა სარჯველაძემ.

შეგახსენებთ, რომ „ქართული ოცნების“ პოლიტსაბჭოს სხდომაზე მიიღეს გადაწყვეტილება, რომ საქართველოს პრეზიდენტის მიმართ იმპიჩმენტის პროცედურა აღიძრას.