მძიმე აგვისტოს შემდეგ თეთრი სახლი შეტევისთვის ემზადება. სტატიას ამ სათაურით გამოცემა The Hill-ი აქვეყნებს. პუბლიკაციაში ნათქვამია, რომ ბაიდენის ადმინისტრაცია მთავრობის დახურვის საფრთხეს და რესპუბლიკელების სურვილს, პრეზიდენტ ბაიდენს იმპიჩმენტი გამოუცხადონ, თავის სასარგებლოდ გამოიყენებს, რათა შემოდგომაზე შეტევაზე გადავიდეს.
კონგრესს სექტემბრის ბოლომდე აქვს ვადა იმისათვის, რათა სახელმწიფო ფინანსირების მოცულობა გაზარდოს, თუმცა რესპუბლიკელების ხმები წარმომადგენელთა პალატაში ორად არის გაყოფილი. მიუხედავად იმისა, რომ წარმომადგენელთა პალატა, სენატი და პრეზიდენტი სახელმწიფო ვალის ზღვრის გაზრდაზე შეთანხმდნენ, კონსერვატორები შეთანხმებით განსაზღვრული ხარჯების დონეს აპროტესტებენ.
რაც შეეხება უკრაინის დაფინანსებას, ეს საკითხი ორ პარტიული შეთანხმების სფეროა, თუმცა რესპუბლიკელთა მცირე ნაწილს უკრაინის დახმარების შემცირებაც სურს.