იმპიჩმენტის საკითხი არის წმინდა სამართლებრივი საკითხი. ჩვენ ვაშენებთ ძლიერ დემოკრატიას, ევროპული ტიპის დემოკრატიას, სამართლებრივ სახელმწიფოს სადაც პირველ რიგში იცავენ და პატივს სცემენ კონსტიტუციას, – ამის შესახებ საქართველოს პრემიერ-მინისტრმა ირაკლი ღარიბაშვილმა, საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელთან, ევროკომისიის ვიცე-პრეზიდენტ ჟოზეფ ბორელთან შეხვედრის შემდეგ გამართულ ერთობლივ პრესკონფერენციისას განაცხადა.
„პრეზიდენტი, პარლამენტი, ზოგადად ხელისუფლება უნდა იყოს მაგალითის მიმცემი როგორ კონსტიტუციის დაცვის, ისე მისი პატივისცემის. ამ საკითხზე ფორმალური რეაგირება გავაკეთეთ და იქვე განვმარტეთ, რომ იმის მიუხედავად, რომ ვიცით, რომ საკმარისი ხმების რაოდენობა არ გვაქვს პარლამენტში, ჩვენ ვცემთ რა პატივს და ვიცავთ რა ჩვენი ქვეყნის კონსტიტუციას, კანონებს, ჩვენი ქვეყნის სამართლებრივი სახელმწიფოს იმიჯის, ჩვენ ვიყავით ვალდებული და იძულებული, რომ ეს ფორმალური რეაგირება მოგვეხდინა. შესაბამისად, ამ გადაწყვეტილებას არავითარი კავშირი არ აქვს ევროინტეგრაციის პროცესთან“, – განაცხადა პრემიერ-მინისტრმა.