მედიაჰოლდინგ “კვირას” დამფუძნებელი ქეთი ხოსიტაშვილი სოციალურ ქსელში პოსტს აქვეყნებს.
“რა ვითარებაა სტიქიის ზონაში – რა ვიცით ამ დროისთვის👇
⭕️ლანჩხუთის მუნიციპალიტეტში მეწყერის შედეგად დაზიანებულია 26 საცხოვრებელი სახლი. ზიანი მიადგა დაახლოებით 130 ოჯახს. დაზიანებულია 15 ხიდი (მათ შორის სუფსის დიდი ხიდი) და 5 მილხიდი, ასევე 15 გაბიონი;
⭕️ოზურგეთის მუნიციპალიტეტში მეწყერის შედეგად დაზიანდა 76 საცხოვრებელი სახლი(სილაური, ნასაკირალი, კონჭკათი, შრომა, თხინვალი, ნატანები),ზიანი მიადგა 155-მდე ოჯახს. დაზიანებულია დაახლოებით 10 ხიდი და 28 მილხიდი (ნაგომარი, გურიანთა, შრომა, სოფ. ოზურგეთი);
⭕️მთავრობის ადმინისტრაციის რეგიონებთან ურთიერთობის დეპარტამენტის ცნობით, მიმდინარეობს სტიქიის სალიკვიდაციო სამუშაოები, რომელშიც მძიმე ტექნიკასთან ერთად ჩართულია ცოცხალი ძალა. სამაშველო და სალიკვიდაციო სამუშაოები მთელი ღამის განმავლობაში გაგრძელდება;
⭕️ამ დროისთვის ნაპოვნია სამი ცხედარი, მათ შორის გარდაცვლილია 2 მოზარდი;
⭕️112-ში ამ დრომდე შემოსულია 400-ზე მეტი შეტყობინება;
⭕️შსს-ს ინფორმაციით, შესაბამისი დანაყოფებიდან მობილიზებულია როგორც ცოცხალი ძალა, ასევე მძიმე ტექნიკა, მცურავი საშუალებები და კინოლოგთა ჯგუფი. სტიქიის ზონაში მონიტორინგი სპეციალური დრონებით მიმდინარეობს;
⭕️მუშაობს ცხელი ხაზი – 577 601 304
📷ფოტო: გიორგი მორჩილაძე”
