იტალიაში აეროპორტის თანამშრომლები გაიფიცნენ, ქვეყნის მასშტაბით გაუქმებულია 100-ზე მეტი ფრენა, – ამის შესახებ ინფორმაციას NationalWorld ავრცელებს.
იტალიაში აეროპორტის სახმელეთო სამსახურის თანამშრომლებმა ერთდღიანი გაფიცვა გამოაცხადეს და ინფლაციის პირობებში ხელფასების გაზრდა მოითხოვეს.
გაფიცვის გამო 80-ზე მეტი ფრენა მილანში, 68 რეისი ფლორენციასა და პიზაში გაუქმდა.
როგორც მედია წერს, პროფკავშირმა გაფიცვა დაგეგმა მაშინ, როდესაც ყველაზე მეტი ფრენა იყო დაგეგმილი, რათა მეტი ყურადღება მიიქციონ. ბევრი იტალიელი შვებულებიდან სამსახურში სწორედ ამ დროს ბრუნდება.
კომენტარები