სტიქიის შედეგების სალიკვიდაციო სამუშაოებს დღეს მთავრობის ადმინისტრაციის რეგიონებთან ურთიერთობის დეპარტამენტის უფროსის მოადგილე, მერაბ გამყრელიძე და ოზურგეთის მერი, ავთანდილ თალაკვაძე გაეცნენ, – ინფორმაციას ოზურგეთის მუნიციპალიტეტის მერია ავრცელებს.
„ოზურგეთის მუნიციპალიტეტში შიდა საუბნო გზები გაიწმინდა, ყველაზე კრიტიკულ მონაკვეთებზე კი, სადაც მეწყრული პროცესები განვითარდა – მუშაობა ამ წუთებშიც მიმდინარეობს. მინდა მადლობა გადავუხადო ჩვენს გმირ მეხანძრე – მაშველებს და მთლიანად საგანგებო სიტუაციების მართვის სამსახურს, რომელთაც არაერთი ადამიანი გადაარჩინეს. მადლობა ყველას, ვინც თავდაუზოგავად იმუშავა ჩვენი თანამოქალაქეების დასახმარებლად,“- განაცხადა ავთანდილ თალაკვაძემ.
სტიქიის პირველივე დღიდან მუნიციპალიტეტის მერიაში შექმნილია საგანგებო შტაბი და მოქმედებს ცხელი ხაზი: 577 601 304