პარიზში ამერიკული კორპორაცია Google-ის ოფისში ჩხრეკა ჩატარდა. ამის შესახებ ინფორმაციას გამოცემა The Guardian საფრანგეთის ფინანსთა სამინისტროზე დაყრდნობით ავრცელებს.
ფინანსური თაღლითობისა და ფულის გათეთრების ბრალდებით წინასწარი მოკვლევა ჯერ კიდევ 2015 წლის 16 ივნისს დაიწყო. საფრანგეთი საგადასახადო სამსახური აცხადებს, რომ კომპანია Google-მა საგადასახადო დეკლარაცია არ წარადგინა, საფრანგეთის ტერიტორიაზე საქმიანობის მიუხედავად.
გამოცემის ცნობით, ჩხრეკა Google-ის მიერ საგადასახადო კანონმდებლობის დარღვევის საქმის გამოძიებას უკავშირდება.
ამერიკული კომპანიის პარიზის ოფისში ჩხრეკა IT-სპეციალისტებმა და ანტიკორუფციული დეპარტამენტის თანამშრომლებმა ჩაატარეს.
კომენტარები