მთავრობის ადმინისტრაციის ორგანიზებით, რეგიონებში მუსიკალური საღამოები გრძელდება. ღონისძიებები გუშინ წეროვანში, წილკანში, დუშეთსა და წალენჯიხაში ჩატარდა.
წეროვანში დღის განმავლობაშო მეწარმეთა პროდუქციის გამოფენა-გაყიდვა გაიმართა. მოწყობილი იყო სხვადასხვა გასართობი სივრცეები ბავშვებისთვის. დღის ბოლოს ღონისძიება კონცერტით დასრულდა.
წილკანში ადგილობრივი ნაწარმის, ხელნაკეთი ნივთების გამოფენა-გაყიდვა, კვების სივრცე, ცეცხლოვანი და საბავშვო-გასართობი შოუები მოეწყო. გალაკონცერტზე კი, ადგილობრივი მაცხოვრებლების განწყობაზე მოწვეულმა შემსრულებლებმა იზრუნეს.
დუშეთში, დუშეთის ბულვარის ტერიტორიაზე 19:00 საათიდან 22:00 საათამდე მრავალფეროვანი აქტივობები ჩატარდა. მათ შორის მოეწყო ადგილობრივ მეწარმეთა პროდუქციის გამოფენა-გაყიდვა, თემატური ფოტოზონა, შემეცნებითი სტენდები, მოსასვენებელი სივრცეები და საბავშვო გასართობი აქტივობები. ღონისძიება მოწვეული შემსრულებლების კონცერტით დასრულდა.
მთავრობის ადმინისტრაციის მიერ ორგანიზებული მუსიკალური საღამოების ფარგლებში, წალენჯიხაში ქალაქის ცენტრალურ მოედანზე, ადგილობრივი მეწარმეების პროდუქციის გამოფენა-გაყიდვა გაიმართა. მოეწყო საბავშვო და კვების სივრცეები. ღონისძიება ჯგუფ „გორდელას“ კონცერტით დასრულდა.