სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე სამკურნალოდ კვლავ გერმანიაში რჩება.
ამის შესახებ ინფორმაცია საპატრიარქოს ვებგვერდზე ვრცელდება. საპატრიარქოს ჯანდაცვის დეპარტამენტის უფროსის მოადგილე, პატრიარქის პირადი ექიმი, ცისანა შარტავა აცხადებს, რომ ილია მეორე თავს კარგად გრძნობს.
ცისანა შარტავა განმარტავს, რომ პატრიარქი ამ ეტაპზე კლინიკაში რჩება, მას ჩაუტარდება საჭირო გამოკვლევები, რის შემდეგაც სპეციალისტები მკურნალობის გაგრძელების ტაქტიკაზე შესაბამის გადაწყვეტილებას მიიღებენ.
სრულიად საქართველოს კათოლიკოს-პატრიარქი ილია მეორე ბერლინში სამკურნალოდ 2 თებერვალს გაემგზავრა.
კომენტარები