როგორც ჩანს, ქალბატონი სალომე ძალიან მოწყენილია, რადგან მას უმთავრდება პრეზიდენტობის ვადა და მას უნდა პოლიტიკაში დარჩენა, – ამის შესახებ საქართველოს პრემიერ-მინისტრმა, ირაკლი ღარიბაშვილმა ბრიუსელში ჟურნალისტებს განუცხადა.
მთავრობის მეთაურის თქმით, სალომე ზურაბიშვილის კოორდინაცია და შეთანხმებული მოქმედებები ოპოზიციასთანაც მხოლოდ მის სურვილს ადასტურებს, დარჩეს პოლიტიკაში.
„ახსენეთ პრეზიდენტი ზურაბიშვილი. მე აღარ მინდა, მასზე ვილაპარაკო. როგორც ჩანს, ქალბატონი სალომე ძალიან მოწყენილია, რადგან მას უმთავრდება პრეზიდენტობის ვადა და მას უნდა პოლიტიკაში დარჩენა. მე ასე ავხსნიდი, რომ ყველაფერი ასე უკავშირდება მის ამ სურვილს – მას უნდა დარჩენა პოლიტიკაში, მისი აფილაცია პირდაპირი, კოორდინაცია და შეთანხმებული მოქმედებები ოპოზიციასთანაც მხოლოდ ამას ადასტურებს. მე მეტი კომენტარის გაკეთება აღარ მსურს. ჩვენ ძალიან ბევრი საქმე გვაქვს. მინდა, ყველას წარმატება ვუსურვო“, – განაცხადა ირაკლი ღარიბაშვილმა.