შეცდომა იქნება, თუ ისრაელი მასიურ სახმელეთო ინტერვენციას განახორციელებს ღაზაში, – ამის შესახებ საფრანგეთის პრეზიდენტმა, ემანუელ მაკრონმა განაცხადა.
მისივე თქმით, ეს არ დაიცავს ისრაელს გრძელვადიან პერსპექტივაში და ის შეუთავსებელია ომის კანონებთან.
„საფრანგეთი აღიარებს ისრაელის უფლებას, დაიცვას საკუთარი ქვეყანა და ხალხი, მაგრამ აღიარებს ამას მშვიდობიანი მოსახლეობის პატივისცემის ფარგლებში. მაშასადამე, სახმელეთო შეჭრა, თუ ის მიმართულია ტერორისტულ ჯგუფებზე, რომლებიც მთლიანად იდენტიფიცირებულია, მათი არჩევანია, მაგრამ ისინი თუ გულისხმობენ მასიურ სახმელეთო შეჭრას, რომელიც საფრთხეს შეუქმნის მშვიდობიან მოსახლეობას, მაშინ, ვფიქრობ, ეს იქნება შეცდომა და ეს იქნება ისრაელის შეცდომა. ეს არ დაიცავს ისრაელს გრძელვადიან პერსპექტივაში და ის შეუთავსებელია მშვიდობიანი მოსახლეობის პატივისცემასთან, ჰუმანიტარულ საერთაშორისო სამართალთან და ომის კანონებთან“, – აცხადებს მაკრონი.