ისრაელის კულტურისა და სპორტის მინისტრის, მიკი ზოჰარის განცხადებით, „ჰამასის“ თავდასხმაზე პრემიერ-მინისტრი ბენიამინ ნეთანიაჰუ და მთელი მთავრობაა პასუხისმგებელი, თუმცა ახლა გამოძიების დრო არაა. ამის შესახებ გამოცემა Times of Israel-ი წერს.
„ჩემთვის ნათელია, რომ ბენიამინ ნეთანიაჰუ და ისრაელის მთელი მთავრობაა პასუხისმგებელი. ეს ასევე ნათელია პრემიერ-მინისტრისთვის“, – განაცხადა ზოჰარმა.
თუმცა, მისივე თქმით, ახლა შეცდომების გამოძიების დრო არაა.
„ახლა ომში ვართ, ამიტომ ასეთი საკითხების განხილვის დრო არაა. არ მინდა ახლა იმის გამოძიება, რა მოხდა დაზვერვის დონეზე, ან ოპერატიულ დონეზე, ან პოლიტიკურ დონეზე. ამით დამოუკიდებელი სახელმწიფო საგამოძიებო კომისია დაკავდება“, – აღნიშნა ნეთანიაჰუს თანაპარტიელმა მინისტრმა.
კომენტარები