საქართველოს პარლამენტის თავმჯდომარე შალვა პაპუაშვილი ტუვალუს პარლამენტის თავმჯდომარეს, სამუელუ ტეოს შეხვდა.
შალვა პაპუაშვილმა ტუვალუს მხარეს მადლობა გადაუხადა ოკუპირებული რეგიონების აღიარების უკან გაწვევისთვის, საქართველოს ტერიტორიული მთლიანობის პატივისცემის, საერთაშორისო სამართლის პრინციპებისა და ღირებულებების შესაბამისად.
შალვა პაპუაშვილმა ტუვალუს სპიკერს გააცნო საქართველოს ოკუპირებულ რეგიონებში არსებული მდგომარეობა და ოკუპაციის შედეგები. საქართველოს პარლამენტის თავმჯდომარემ იმედი გამოთქვა, რომ ტუვალუ განაგრძობს გაერო-ში საქართველოს რეზოლუციის მხარდაჭერას.
მხარეებმა ასევე ისაუბრეს საქართველოს და ტუვალუს შესახებ, შეთანხმდნენ პარლამენტებს შორის თანამშრომლობაზე კონკრეტული ინიციატივების გზით.
შეხვედრა ანგოლაში მიმდინარე საპარლამენტთაშორისო კავშირის 147-ე ასამბლეის ფარგლებში გაიმართა