ისრაელის თავდაცვის ძალების (IDF) სპიკერმა, კონტრადმირალმა დანიელ ჰაგარმა ღაზის მშვიდობიან მოსახლეობას სამხრეთში გადასვლისკენ კიდევ ერთხელ მოუწოდა.
„ჩრდილოეთ ღაზის, ქალაქ ღაზის მშვიდობიანი მოსახლეობა დროებით ვადი ღაზის სამხრეთით უნდა გადავიდეს, შედარებით უსაფრთხო ზონაში, სადაც მათ შეუძლიათ მიიღონ წყალი, საკვები და მედიკამენტები“, – განაცხადა IDF-ის სპიკერმა.
მისივე თქმით, 30 ოქტომბერს ღაზის მიმართულებით ჰუმანიტარული ძალისხმევა, ეგვიპტისა და შეერთებული შტატების ხელმძღვანელობით, გაფართოვდება.
პრესკონფერენციისას ჰაგარიმ ასევე აღნიშნა, რომ ისრაელი ომის დაწყების ინიციატორი არ ყოფილა და ისინი ებრძვიან „ჰამასს“ და არა ღაზის მშვიდობიან მოსახლეობას, რომელსაც ტერორისტები ცოცხალ ფარად იყენებენ.
„ჰამასი“ საკუთარ ხალხს დამცავ ფარად იყენებს. ისინი სამოქალაქო შენობების შიგნით და მის ქვეშ ზუსტად იმიტომ ოპერირებდნენ, რომ იციან, IDF-ი ერთმანეთისაგან ასხვავებს ტერორისტებსა და მშვიდობიან მოსახლეობას“, – ამბობს IDF-ის სპიკერი.