დაჯგუფება “ჰამასის” ერთ-ერთმა ლიდერმა, აბუ მარზუკმა განაცხადა, რომ ღაზას სექტორში მოსახლეობის უსაფრთხოების უზრუნველყოფა გაეროს ეკისრება ჟენევის კონვენციის შესაბამისად, რადგან სექტორის მოსახლეობის 75% დევნილია.
ამის შესახებ მან Memri TV-სთან ინტერვიუში თქვა.
კითხვაზე, რატომ აშენებს “ჰამასი” მხოლოდ გვირაბებს და მშვიდობიანი მოსახლეობისთვის თავშესაფრებს არა, მარზუკმა თქვა, რომ მოსახლეობის დაცვა გაერომ უნდა უზრუნველყოს.
“გვირაბები ჩვენი დაცვისთვის არის აშენებული, რომ დავიცვათ თავი მკვლელობისგან, საჰაერო იერიშისგან. გვირაბების შიგნიდან ვიბრძვით. ყველამ იცის, რომ ღაზას სექტორის მოსახლეობის 75% არის დევნილი, შესაბამისად ჟენევის კონვენციების შესაბამისად, ოკუპაციაზე პასუხისმგებლობა გაეროს ეკისრება და დევნილების დაცვა მათი პასუხისმგებლობაა”,- თქვა მან.
კომენტარები