კომუნიკაციების კომისიის თავმჯდომარემ კახა ბექაურმა „მაუწყებლობის შესახებ“ კანონში ცვლილებებზე პირველი განმარტება გააკეთა. მან ოპოზიციის ბრალდებებს უპასუხა და აღნიშნა, რომ კომისია დამოუკიდებლად და გამჭვირვალედ მუშაობს და ბრალდებები უსაფუძვლოა.
„როგორც იცით, ამ ახალ ცვლილებებამდეც იყო ბევრი რეგულაცია. შესაბამისად, არანაირი საფუძველი არ არსებობს იმისა, რომ კომუნიკაციების კომისიამ კანონიდან თუნდაც ერთი ნაბიჯით გადაუხვია. ამიტომ, აქაც არანაირი საფუძველი არ არსებობს იმისა, რომ კომისია ერთი ნაბიჯით გადაუხვევს ამ კანონის აღსრულებას, იმიტომ რომ ჩვენი პროცესი გამჭვირვალეა, მას საზოგადოება აკვირდება. ჩვენ საჯაროდ გვაქვს წარმოების პროცესი. ამიტომ, დავინახავთ ამას. აზრს მოკლებულია ასეთი ტიპის მოსაზრებები“, – აცხადებს ბექაური.
კომენტარები