აშშ-ის გამოძიების ფედერალური ბიუროს (FBI) დირექტორმა, კრისტოფერ რეიმ განაცხადა, რომ ისრაელსა და “ჰამასს” შორის ომმა აშშ-ში ამერიკელებზე თავდასხმების საფრთხე ახალ დონეზე აიყვანა.
“ჩვენი შეფასებით, “ჰამასისა” და მისი მოკავშირეების ქმედებები შთაგონების წყარო იქნება, როგორიც ჩვენ არ გვინახავს მას შემდეგ, რაც “ისლამურმა სახელმწიფომ” რამდენიმე წლის წინ ე.წ. ხალიფატი შექმნა”, – აღნიშნა აშშ-ის გამოძიების ფედერალური ბიუროს (FBI) დირექტორმა.
“ჩვენ ასევე არ შეგვიძლია და არ გამოვრიცხავთ იმის შესაძლებლობას, რომ „ჰამასმა“ ან სხვა უცხოურმა ტერორისტულმა ორგანიზაციამ მიმდინარე კონფლიქტი აშშ-ში თავდასხმების განსახორციელებლად შეიძლება გამოიყენოს”, – განაცხადა კრისტოფერ რეიმ.
გამოძიების ფედერალური ბიუროს ხელმძღვანელმა ასევე აღნიშნა, რომ ყველაზე მნიშვნელოვანი საფრთხე შეერთებულ შტატებში ებრაულ და მუსლიმურ თემებს ეხება.