ეგვიპტიდან რაფაჰის გამშვები პუნქტის გავლით ღაზაში შედის დაახლოებით 80 სასწრაფო დახმარების მანქანა, რათა დაჭრილ პალესტინელ პაციენტებს საჭირო დახმარება გაუწიონ. ამის შესახებ მედიას ინფორმაციას ეგვიპტის სასაზღვრო სამსახურის წარმომადგენელი აწვდის.
მანამდე, სასაზღვრო სამსახურში განაცხადეს, რომ გადასასვლელი უნდა გაიხსნას, რათა ღაზიდან დაჭრილ 81 პალესტინელს ეგვიპტის საავადმყოფოებში მკურნალობის საშუალება მიეცეს.
ღაზის ალ შიფას საავადმყოფოს დირექტორმა მედიასთან საუბრისას აღნიშნა, რომ პაციენტების უმეტესობას ქირურგიული ჩარევა სჭირდება საოპერაციო ოთახებში. ეს არის პროცედურა, რომელიც ამჟამად არ არის ხელმისაწვდომი ანკლავში.
კომენტარები