უკრაინის პრეზიდენტის ადმინისტრაციის ყოფილი მრჩეველი, ოლექსი არესტოვიჩი აპირებს, მონაწილეობა მიიღოს მომავალ საპრეზიდენტო არჩევნებში, რომლის თარიღიც, ქვეყანაში მიმდინარე საომარი მდგომარეობის გამო, ჯერჯერობით უცნობია, – ინფორმაცია „ინტერფაქს – უკრაინას“ თავად არესტოვიჩმა დაუდასტურა.
არესტოვიჩი მისი უკრაინიდან წასვლის შესახებ სოციალურ ქსელებში გავრცელებულ ინფორმაციასაც გამოეხმაურა და თქვა: „მე მაქვს არაერთი საერთაშორისო ღონისძიება, რომელთაგანაც ბევრზე, მთავარი მომხსენებელი ვარ“.
უკრაინაში შემდეგი საპრეზიდენტო არჩევნები 2024 წლის გაზაფხულზე უნდა გაიმართოს, თუმცა საზოგადოებაში აქტიურად განიხილება კენჭისყრის საომარი მდგომარეობის პირობებში ჩატარების შესაძლებლობა.
კომენტარები