საპატრიარქოს საზოგადოებასთან ურთიერთობის სამსახურის უფროსმახ ანდრია ჯაღმაიძემ ჟურნალისტებს მოუწოდა, ნუ აპელირებენ პატრიარქ ილია მეორის გადადგომისა და ავადმყოფობის საკითხით.
“მუდმივად ხომ არ შეიძლება, ყოველი სინოდისა და დღესასწაულის წინ ვისაუბროთ, რომ პატრიარქი გადადგება, თუ პატრიარქი ავად არის… დაველოდოთ, იქნებ არის საკითხები, რომლებიც არანაკლებ მნიშვნელოვანია, ვიდრე ჭორებს აყოლილი ინტრიგა. არ გვინდა ეს უსაფუძვლო ვარაუდები, რომელიც პირველად არ ხდება, მეორდება ერთი და იგივე ხალხისგან ერთი და იგივე რიტორიკა. გამოვედი მხოლოდ იმის სათქმელად, რომ სინოდის სხდომა დაიწყო. მეტი არაფერი ახალი არ ხდება და სიახლე იქნება, როცა სხდომა დასრულდება,” – აცხადებს ანდრია ჯაღმაიძე.
შეგახსენებთ, რომ საპატრიარქოში წმინდა სინოდის სხდომა მიმდინარეობს.
კომენტარები