ისრაელის სამხედროებმა ქალაქი ღაზა ალყაში მოქციეს, – ამის შესახებ ისრაელის თავდაცვის ძალების სპიკერმა, დანიელ ჰაგარმა განაცხადა. ამის შესახებ „სიენენი“ წერს.
ჰაგარის ინფორმაციით, ისრაელის მხარე ახლა მუშაობს მიწისქვეშა ინფრასტრუქტურის, ასაფეთქებელი ნივთიერებებისა და სხვა საფრთხის აღმოსაჩენად, შემდეგ კი იმუშავებენ მის განეიტრალებაზე, რათა ისრაელის თავდაცვის ძალებმა ტერიტორიაზე თავისუფლად გადაადგილება შეძლონ.
მანამდე, ისრაელის თავდაცვის ძალების შტაბის უფროსმა აღნიშნა, რომ ისრაელის სამხედროები ღაზაში ოპერაციებს „აღრმავებენ“.
„ჩვენი ძალები ღაზის ძალიან მნიშვნელოვან რაიონებში იმყოფებიან“, – განაცხადა შტაბის უფროსმა.
კომენტარები