„ქრონიკის“ ინფორმაციით, იუსტიციის სამინისტროს გენერალურმა ინსპექციამ შინაგან საქმეთა სამინისტროსთან მჭიდრო თანამშრომლობით მძიმე დანაშაულის – მსჯავრდებულთა ჯგუფურად გაქცევის – შეუტყობინებლობისათვის (სსკ-ის 376-ე მუხლის პირველი ნაწილი) ა.თ. დააკავა.
არსებული ინფორმაციით, ა.თ.-სთვის ცნობილი გახდა, რომ თბილისში, ვაჟა-ფშაველას გამზირის 27ბ-ში მდებარე „ავერსის“ კლინიკის ტერიტორიაზე მყოფი სპეციალური სატრანსპორტო საშუალებიდან გაქცეული მსჯავრდებულები იმყოფებოდნენ მცხეთის მუნიციპალიტეტის სოფელ წილკანში და მიუხედავად იმისა, რომ მათთან კომუნიკაციის შედეგად მისთვის ასევე ცნობილი გახდა, რომ აღნიშნული მსჯავრდებულების მიერ ჩადენილი იყო მძიმე დანაშაული (სისხლის სამართლის კოდექსის 379-ე მუხლის მე-2 ნაწილით – მოთავსების სხვა ადგილიდან, გაყვანისას მსჯავრდებულის გაქცევა ჯგუფურად), მან აღნიშნულის შესახებ სამართალდამცავ ორგანოებს არ შეატყობინა.