ისრაელის მედიის ცნობით, ათასობით ადამიანი შეიკრიბა თელ ავივის ხელოვნების მუზეუმთან, რომელიც ახლა ცნობილია როგორც ტყვეების მოედანი, რათა მხარდაჭერა გამოხატონ „ჰამასის“ მიერ 7 ოქტომბრის თავდასხმის შემდეგ მძევლად აყვანილი 242 ადამიანის ოჯახების მიმართ.
„ჩვენ გვესმის ამ შეკრების მნიშვნელობა, რადგან ხვალ „ჰამასის“ მიერ ისრაელზე თავდასხმის 30-ე დღეა”, – განაცხადა თელ ავივის მერმა, რონ ჰულდაიმ მიტინგის დაწყებისას.
ჰულდაიმ აღნიშნა, რომ 4 ნოემბერი არის ისრაელის ყოფილი პრემიერ-მინისტრის, იცხაკ რაბინის მკვლელობის თარიღი. მისივე თქმით, იცხაკ რაბინმა იცოდა რთული გადაწყვეტილებების მიღება. ჰულდაის განცხადებით, ახლა ნეთანიაჰუმ უნდა გააკეთოს ეს და უზრუნველყოს ყველა მძევლის დაბრუნება.
აქციის მონაწილეები სკანდირებენ – „მოიყვანე ისინი სახლში ახლავე”.
აქციის ერთ-ერთი მონაწილე რამოს ალონი, რომლის ქალიშვილები დანიელი და შერონი, მცირეწლოვან შვილებთან და შერონის ქმართან ერთად არიან ტყვეობაში, ამბობს, რომ ისრაელი ჰუმანიტარული დახმარებისა და ცეცხლის შეწყვეტის მოთხოვნებს უნდა დაეთანხმოს მხოლოდ იმ შემთხვევაში, „თუ ეს ორმხრივია“.