ლონდონის სასამართლომ Apple-ის სარჩელი, რომ არ გაგრძელებულიყო ადვოკატ ჯასტინ გუტმანის საჩივრის სამართლებრივი მსვლელობა, რომელშიც ის iPhone-ს ბატარეების დეფექტთან დაკავშირებით უჩივის, არ დააკმაყოფილა. ამის შესახებ სააგენტო Reuters-ი წერს.
გუტმანი წარმოადგენს 24 მილიონ iPhone-ის მომხმარებელს დიდ ბრიტანეთში. მომჩივანთა ჯგუფი ამტკიცებს, რომ Apple-მა შეგნებულად დაუმალა მომხმარებლებს iPhone-ის ზოგიერთ მოდელში არსებული ხარვეზები და ასევე გამოუშვა პროგრამული უზრუნველყოფა, რომელიც მოწყობილობებს ანელებდა.
Apple-მა სცადა საჩივრის გასაჩივრება, მაგრამ ლონდონის კონკურენციის სააპელაციო სასამართლომ IT-კორპორაციას მხარი არ დაუჭირა. სასამართლომ საქმის გაგრძელების უფლება მისცა, მაგრამ ბრალდების მხარის პრეტენზიებთან დაკავშირებით დამატებითი დეტალების მიწოდება სთხოვა.