რომის პაპმა ფრანცისკემ ისრაელსა და „ჰამასს“ კიდევ ერთხელ მიმართა და განაცხადა, რომ „ევედრება მათ, უფლის სახელით ცეცხლი შეწყვიტონ“. ამის შესახებ CNN-ი იტყობინება.
ტელეარხის ცნობით, კათოლიკური ეკლესიის ხელმძღვანელის შესაბამისი განცხადება სოციალურ ქსელში X გამოქვეყნდა.
„კვლავ ვფიქრობ სერიოზულ სიტუაციაზე პალესტინასა და ისრაელში, სადაც ბევრი, ბევრი ადამიანი დაიღუპა. უფლის სახელით, გევედრებით: შეწყვიტეთ იარაღის გამოყენება“, – აღნიშნულია განცხადებაში.
ტერორისტული დაჯგუფება „ჰამასი“ ისრაელს თავს 7 ოქტომბერს დაესხა. შედეგად 1 400 ადამიანი დაიღუპა, 240-ზე მეტი კი მძევლად არის აყვანილი. ამის შემდეგ „ცაჰალმა“ ღაზის სექტორზე ავიაიერიშების განხორციელება დაიწყო. ოქტომბრის ბოლოს ისრაელელი სამხედროები სექტორის ტერიტორიაზე შევიდნენ.
კომენტარები