ბევრია ისეთი ადამიანი, რომელიც სიიდან სიამდე ცოცხლობს, – ამის შესახებ ბაჩო დოლიძემ განაცხადა. „ნაციონალური მოძრაობის“ წევრმა მიხეილ სააკაშვილს ინიციატივა შეაფასა, რომელსაც 2024 წლის არჩევნებისთვის პარტიული სიის ახალი სახეებით დაკომპლექტება სურს.
„რომ მნდომოდა სიაში მოხვედრა, ვფიქრობ, ვიქნებოდი. მაგრამ ეს არის მთავარი განსხვავება. ვიღაც კანკალებს იმაზე, რომ მარტო სიაში მოხვდეს და მხოლოდ და მხოლოდ ამაზე ფიქრობს. სამწუხაროდ, არიან ადამიანები, რომლებისთვისაც მთავარი საპარლამენტო სიაში მოხვედრაა. ეს საკითხი პრობლემატური იქნება, იმიტომ რომ სიის გულისთვის იგივე კონფიგურაცია ალბათ დახოცავს ერთმანეთს“, – ამბობს დოლიძე.
მსჯავრდებული ექსპრეზიდენტი მიხეილ სააკაშვილი აცხადებს, რომ მომდევნო საპარლამენტო არჩევნებში „ნაციონალური მოძრაობის“ პარტიული სია უნდა დაკომპლექტდეს ისეთი ადამიანებით, რომლებიც პარლამენტის წევრები არასოდეს ყოფილან.