ღაზის სექტორში შექმნილი სიტუაციის გამო სამხრეთ აფრიკამ ისრაელიდან ყველა დიპლომატი კონსულტაციებისთვის გაიწვია. ამის შესახებ ჟურნალისტებს სამხრეთ აფრიკის პრეზიდენტის ადმინისტრაციის წარმომადგენელმა, ხუმბუძო ნცავენიმ განუცხადა.
„უკიდურესად შეშფოთებულები ვართ პალესტინის ტერიტორიაზე ბავშვებისა და მშვიდობიანი მოსახლეობის დახოცვის გამო. გვჯერა, რომ ისრაელის მიერ გაცემული პასუხი კოლექტიური დასჯის ხასიათს ატარებს“, – განაცხადა სამხრეთ აფრიკის საგარეო საქმეთა მინისტრმა ნალედი პანდორმა.
კომენტარები