ღაზის სექტორში ჰუმანიტარული ვითარება გაეროს გენერალური მდივნის საგანგებო ბრიფინგის მთავარი თემა იყო. ანტონიო გუტერეშმა „ჰამასის“ ქმედებები კიდევ ერთხელ მკაცრად დაგმო, პარალელურად კი ისრაელის სახმელეთო ოპერაცია გააკრიტიკა და აღნიშნა, რომ მშვიდობიანი მოსახლეობის დაცვა უმთავრესი უნდა იყოს.
„ღაზა ბავშვების სასაფლაო ხდება. გავრცელებული ინფორმაციით, ყოველდღიურად ასობით გოგონა და ბიჭი იღუპება ან შავდება. ოთხი კვირის განმავლობაში უფრო მეტი ჟურნალისტი დაიღუპა, ვიდრე ნებისმიერ კონფლიქტში, სულ მცირე, სამი ათწლეულის განმავლობაში.
გაეროს უფრო მეტი დამხმარე მუშაკი დაიღუპა, ვიდრე ჩვენი ორგანიზაციის ისტორიის ნებისმიერ შესადარებელ პერიოდში. მივესალმები ყველას, ვინც განაგრძობს სიცოცხლის გადასარჩენად ბრძოლას, დიდი გამოწვევებისა და რისკის მიუხედავად. კატასტროფული ვითარება ყოველი საათის განმავლობაში უფრო აუცილებელს ხდის ცეცხლის ჰუმანიტარულ შეწყვეტას. კონფლიქტის მხარეებს და ასევე საერთაშორისო საზოგადოებას ეკისრებათ ფუნდამენტური პასუხისმგებლობა, შეაჩერონ არაადამიანური კოლექტიური ტანჯვა და მკვეთრად გააფართოონ ჰუმანიტარული დახმარება ღაზაში“, – განაცხადა ანტონიო გუტერეშმა.