“ნაციონალური მოძრაობა” საკუთარი არსებობის ბოლო პერიოდს გადის,” – ასე შეაფასა საპარლამენტო უმრავლესობის წევრმა, დავით მათიკაშვილმა ოპოზიციურ პარტიაში მიმდინარე დაპირისპირება.
“ფაქტია, რომ “ნაციონალური მოძრაობა” საკუთარი არსებობის ბოლო პერიოდს გადის. ამ პარტიის რეალური ხელმძღვანელი და ბელადი არის აბსოლუტურად სხვა, სხვისგან იღებენ დავალებებს და არიან მარიონეტები, რომლებიც ყოველდღიურ უშინაარსო და მდარე ღირებულების სცენარით თამაშობენ და ამ თამაშში კარგად ჩანს მათი საბოლოო შედეგი,”- აცხადებს დავით მათიკაშვილი.
შეგახსენებთ, რომ “ერთიანი ნაციონალური მოძრაობის” თავმჯდომარე ლევან ხაბეიშვილი ნიკა მელიას პარტიიდან გარიცხვით საჯაროდ დაემუქრა. მუქარის ადრესატმა კი ხაბეიშვილს ურჩია, ჩრდილოვანი მმართველების დირექტივების შესრულების ნაცვლად, პარტიის გადარჩენაზე იზრუნოს.