„ხალხის ძალის“ წევრი, ანალიტიკოსი ზურაბ ქადაგიძე ნიკა გვარამიას ფეისბუქპოსტს, სადაც ის სოფელ კირბალთან მომხდარ უმძიმეს შემთხვევაზე – საოკუპაციო რეჟიმის მიერ საქართველოს მოქალაქის ლიკვიდაციაზე პასუხისმგებლობას საქართველოს ხელისუფლებას აკისრებს, განცხადებით ეხმაურება.
როგორც ზურაბ ქადაგიძე წერს, ნიკა გვარამიასგან ეს განცხადება ამორალურია, რადგან სწორედ ის იყო იმ რეჟიმის ერთ-ერთი შემოქმედი, რომლის დროსაც რუსული ოკუპაცია გაფართოვდა.
„7 ნოემბერს განცხადება კი არა, საერთოდ ხმა არ უნდა ამოიღო, შე ნაძირალა! 2007 წლის 7 ნოემბრიდან დაიწყო ჯერ შენმა ხელისუფლებამ საკუთარი ხალხის ოკუპაცია და 2008 წლის აგვისტოში შენი ხელისუფლების მოღალატეობრივმა მოღვაწეობამ დააკანონა რუსული ოკუპაცია, რამაც დღევანდელ ტრაგედიამდე მიგვიყვანა. ასე რომ, შენ და შენი ბელადი სააკაშვილი ვერ გაექცევით ამ მემკვიდრეობას, რაც საქართველოს დღემდე შემოუნახეთ.
სალომე ზურაბიშვილო, აი, შენ კი ტყუილად ყელყელაობ 7 ნოემბრის აქტივისტობით.
შენი მთელი წარსული ამ ნაძირალას შეწყალებით გააბათილე და უფრო მეტიც – არანაირი განსხვავება აღარ არსებობს 7 ნოემბრის შემოქმედსა და მის შემწყალებელს შორის.
გვარამია-სააკაშვილზე მეტი თუ არა, ნაკლები პასუხისმგებლობა არ გენიჭება. შენი ნამოქმედარის მოსავალს მალე მიიღებ!“, – წერს ზურაბ ქადაგიძე.