„დიდი შვიდეულის“ საგარეო საქმეთა მინისტრებმა ხაზი გაუსვეს ისრაელის უფლებას, დაიცვას საკუთარი თავი, და ჰუმანიტარული პაუზების დაწესებისკენ მოუწოდეს.
„ხაზს ვუსვამთ ისრაელის უფლებას დაიცვას საკუთარი თავი და ხალხი საერთაშორისო სამართლის შესაბამისად, რადგან ის ცდილობს თავიდან აიცილოს 7 ოქტომბრის თავდასხმის გამეორება. ასევე მხარს ვუჭერთ ჰუმანიტარულ პაუზებს, რაც ხელს შეუწყობს სასწრაფო დახმარების მიწოდებას, სამოქალაქო პირების გადაადგილებას და მძევლების გათავისუფლებას“, – აცხადებენ აშშ-ის, ბრიტანეთის, კანადის, საფრანგეთის, გერმანიის, იაპონიისა და იტალიის საგარეო საქმეთა მინისტრები.
განცხადებაში მინისტრები ასევე მოუწოდებენ ირანს, თავი შეიკავოს „ჰამასის“, „ჰეზბოლას“ და სხვა აქტორების მხარდაჭერისგან, და გამოიყენოს საკუთარი გავლენა შექმნილი სიტუაციის დეესკალაციისთვის.