ანგარიში საქართველოს მიერ მიღწეულ წინსვლას აღიარებს, – ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა.
მისი თქმით, ანგარიშში ასევე ხაზგასმულია, თუ რამდენად მნიშვნელოვანია საქართველოსთვის ბრძოლა დეზინფორმაციის წინააღმდეგ.
„ანგარიში საქართველოს მიერ მიღწეულ წინსვლას აღიარებს, თუმცა მასშია ასევე ხაზგასმით არის აღნიშნული, რომ ჯერ კიდევ ჩასატარებელია მნიშვნელოვანი სამუშაო ისეთი არსებით რეფორმების სფეროებში, როგორიცაა კანონის უზენაესობა, მედიის თავისუფლება, თავისუფალი და სამართლიანი არჩევნების ჩატარება.
ანგარიშში ასევე ხაზგასმულია, თუ რამდენად მნიშვნელოვანია საქართველოსთვის ბრძოლა დეზინფორმაციის წინააღმდეგ, განსაკუთრებით ევროკავშირის წინააღმდეგ მიმართული დეზინფორმაციისა. ამისთვის საქართველომ პოლიტიკური პოლარიზაცია უნდა შეამციროს ერთად დიდი მიღწევებია შესაძლებელი“, – აღნიშნა პაველ ჰერჩინსკიმ.