შალვა რამიშვილის გადაცემა “მედია რენტგენი” “რუსთავი 2”-ის “პოსტს სკრიპტუმში” ნოდარ მელაძის მიერ, მომზადებულ სიუჟეტს შეეხო, სადაც საუბარი იყო იმის თაობაზე, თითქოს მერიამ მოსამართლე ნატა ნაზღაიძეს 1 000 000 ქრთამი მისცა. “მედია რენტგენის” რესპოდენტი ზვიად ჩოხელი იყო. სწორედ მან მიიღო რეალურად კომპენსაცია, რადგან ყიფშიძეზე მდებარე მიწის ნაკვეთი მის საკუთრებაში იყო. “2011 წელს ეს მიწა შევიძინეთ, არსებობდა მშენებლობის ნებართვა, მიწა ბანკით ვიყიდეთ, თვეში 4500 დოლარს ვაფარვდით, შემდეგ გაგვიჭირდა ინვესტორის მოძებნა, 2012 წლის ოქტომბერში გადავწყვიტე მიწის ნაკვეთი გამეყიდა. შევხვდით ზვიად ნაზღაიძეს, მყიდველს, რომელმაც გარკვეული პირობით იყიდა ეს მიწა. ნასყიდობის ხელშეკრულებით მან გადაგვიხადა 40 000 დოლარი და ყოველთვიურად უნდა შეეტანა ბანკში 2500 დოლარი. აღმოვჩნდით რთულ მდგომარეობაში, ვალებს ვეღარ ვიხდიდით, ზვიადსაც პრობლემები შევუქმენით, მან მოგვთხოვა გადახდილი 80 000 დოლარი რაც მიწის შეძენაში დახარჯა. მე მივეცი მას ვალის აღიარება და დავპირდი რომ 80 000 დოლარს დავუბრუნებდი მიწის გაყიდვის შემდეგ. კოლოსალური თანხები მაქვს პროცენტის სახით გადახდილი საქართველოს ბანკში, საწყენად არ მიიღებს ნაზღაიძე, ვთვლიდი და დღესაც ვთვლი დაზარალებული მე ვარ და არა ნაზღაიძე. “საქართველოს ბანკი” და ნაზღაიძე რაც უნდოდა იმას მიიღებდა. რა ზარალიც მე მივიღე, იმის ნახევარი მომცეს. “რუსთავი 2″ კონტექსტიდან ამოღებული რომ ატრიალებს სიუჟეტს, არ არის სწორი, აქამდე არაერთ ინსტანციას მივმართე, არავინ დამეხმარა და ნატა ნაზღაიძის ძმა როცა გამოაჩნდა საქმეში უნდათ პოლიტიკურად გამოიყენონ”-განაცხადა ჩოხელმა.
“რადგან ნატა ნაზღაიძის ძმა გამოჩნდა საქმეში, ამიტომ მოუნდათ ეს პოლიტიკურად გამოიყენონ”
2017/02/09 12:34:51
ნანახია: 1976 ჯერ