მინდა დიდი მადლობა გადავუხადო ბატონ თავმჯდომარეს და მთელ საქართველოს იმ სტუმართმოყვარეობისთვის, რომელიც მე მაჩვენეს და გამოხატეს ჩემ მიმართ და ეუთოს საპარლამენტო ასამბლეის მიმართ. მე და ჩემს გუნდს გვქონდა პატარა ტური სამხრეთ კავკასიაში. ორი დღე გავატარეთ აზერბაიჯანში და ორი დღე საქართველოში. შემდეგ ჩვენ ტურს გავაგრძელებთ სომხეთში იმისათვის, რომ გვქონდეს ამ რეგიონის სრული სურათი, – ამის შესახებ ეუთო-ს საპარლამენტო ასამბლეის პრეზიდენტმა, პია კაუმამ საქართველოს პარლამენტის თავმჯდომარე, შალვა პაპუაშვილთან ერთად გამართულ ბრიფინგზე განაცხადა.
„მინდა, მივულოცო და წავახალისო საქართველო, რომ იდგმება საჭირო ნაბიჯები ევროკავშირის წევრობის მიმართულებით, ამას ჩვენ მხარს ვუჭერთ. მსურს, დავაფასო საპარლამენტო მუშაობა და იმ რეფორმებთან დაკავშირებით გამოვხატო ჩემი მხარდაჭერა, რომლებსაც ატარებთ. როდესაც ვსაუბრობთ არჩევნებზე დაკვირვებაზე, როგორც იცით, ეუთო-ს საპარლამენტო მისია სადამკვირვებლო მისიებს ახორციელებს ხოლმე, ჩვენ ეს გავაკეთეთ წინა არჩევნებზეც და იმედი მაქვს, ასევე მოგვიწვევთ მომდევნო წელს, როდესაც იქნება საპარლამენტო არჩევნები. ასევე, მსურს, გამოვხატო ჩვენი სრული მხარდაჭერა საქართველოს დემოკრატიული, ეკონომიკური განვითარების, ტერიტორიული მთლიანობის მიმართ და ამავდროულად, აღვნიშნო, რომ თქვენ გაქვთ ძალიან გადამწყვეტი როლი სამხრეთ კავკასიაში, ასრულებთ კონსტრუქციულ და ძალიან მნიშვნელოვან როლს რეგიონული სტაბილურობის კუთხით“, – განაცხადა კაუმამ.