თეთრი სახლის ეროვნული უსაფრთხოების სპიკერმა, ჯონ კირბიმ განაცხადა, რომ აშშ არ დათანხმებია ისრაელს, რომ ალ-შიფას ჰოსპიტალის გარშემო სამხედრო ოპერაცია განეხორციელებინა.
ბრიფინგზე საუბრისას კირბიმ თქვა, რომ ეს იყო ისე, როგორც სხვა სამხედრო ოპერაციებზე – აშშ არ „აძლევს მწვანე შუქს“ ისრაელის სამხედრო ოპერაციებს ღაზაში.
კირბის თქმით, ეს იყო ისრაელის გეგმები, რომლებიც შესრულებულია მათ მიერ დადგენილი პროცედურების შესაბამისად და აშშ არ ელოდება ისრაელისგან ინფორმირებას კონკრეტული სამხედრო ოპერაციების დაწყებამდე.
კირბიმ უარი თქვა აშშ-ის პრეზიდენტ ჯო ბაიდენსა და ისრაელის პრემიერ-მინისტრ ბენიამინ ნეთანიაჰუს შორის გამართული საუბრის შესახებ დეტალების თქმისგან, მაგრამ აღნიშნა, რომ ალ-შიფაზე სამხედრო ოპერაციის შესახებ საუბარი არ ყოფილა.
კომენტარები