„იორდანიაში უკვე გამოყოფილია ადგილობრივი კომპანია, რომელიც შუამავალია იქაური პროცედურების გავლისა და ზედამხედველობის კუთხით. ჩვენი მხრიდან არქიტექტორთა ჯგუფი ინტენსიურად თანამშრომლობს იქაურ ფირმასთან, რომელმაც საბუთების, დოკუმენტები უნდა უზრუნველჰყოს, – ამის შესახებ ალავერდელმა მიტროპოლიტმა, დავითმა მდინარე იორდანეზე, მაცხოვრის ნათლობის ადგილის მიმდებარედ, ქართული კულტურის ცენტრის დასაარსებლად შექმნილი სამთავრობო კომისიის სხდომის შემდეგ განაცხადა.
„რაც შეეხება თავად პროექტის დასრულების ვადებს, ალბათ, ვფიქრობთ, რომ მშნებლობა რამდენიმე წელი გაგრძელდება, თუმცა ტემპი იქნება მაღალი, იმის გათვალისწინებით, რაც იმ რეგიონში ხდება. ალბათ, აღნიშნული ფაქტორი მშნებლობის ტემპზე რაღაც გავლენას მოახდენს. თუმცა, ვფიქრობ, ეს საუკუნის პროექტი დროულად დასრულდება“, – განაცხადა ალავერდელმა მიტროპოლიტმა.